Kreu demokrat, Sali Berisha, ka zhvilluar një bashkëbisedim me përfaqësues të emigracionit dhe diasporës shqiptare, ndërsa u shpreh se përcaktuese janë idealet që na bashkojnë dhe shqetësimet e përbashkëta në vendin tonë, që na bashkojnë.
Berisha tha se e ka pritur me shumë interes takimin me diasporën dhe përfaqësues të emigracionit, për të dëgjuar propozimet, sugjerimet dhe opinionet e tyre.
“Kontributi i emigracionit dhe diasporës për ti dhënë një përgjigje situatës kritike ku ndodhet vendi është i domosdoshëm. Ju jeni të përjashtuarit e mëdhenj, pasi Shqipëria nuk ka lejuar votën tuaj, nuk ka vendosur atë bashkëpunim të domosdoshëm për përparimin e vendit”, tha Berisha.
Kreu demokrat tha se në Shqipëri është vendosur monizmi i plotë, pasi Kryeministri Edi Rama morri edhe institucionin e Presidentit. Berisha tha se aktualisht Edi Rama kontrollon pushtetin në 99.9%.
