Ish-kryeministri dhe kreu aktual i PD-së Sali Berisha iu ka bërë thirrje sërish shqiptarëve që të bashkohen në protestën e 7 korrikut.
Berisha, në postimin e tij, shprehet se 7 korriku është dita e Frontit për Shpëtimin e Shqipërisë.
Ndërsa, postimin Berisha e ka shoqëruar edhe me një foto nga protestat kombëtare të zhvilluara nga opozita e bashkuar.
“Me 7 Korrik ne ora 7 te darkes Fronti per Shpetimin e Shqiperise ju fton te gjithve ne protesten kombetare ne Tirane para Kryeministrise!”, shkruan Berisha.
Berisha më herët ka deklaruar se protesta e 7 korrikut do jetë një demonstratë tepër e madhe, që do të zhvillohet në Tiranë.
Ish-kryrmeinistri hodhi akuza të rënda në drejtim të Ramës dhe qeverisë, duke thënë se po e kthejnë Tiranën në Beograd të vogël.
“Data 7 korrik është menduar nga PD të jetë data e protestës së madhe në Tiranë.Të bëjmë gjithçka për të nisur betejën tonë, kjo është betejë jashtëzakonisht e rëndësishme.Të bëjmë një punë intensive për suksesin e protestës tonë me 7 korrik dhe të angazhohemi që protesta të tjera do të vazhdojnë. Me këtë sistem nuk pajtohemi.
Ky është sistem monist. Ky nuk është më pushtet kushtetues, ky është pushtet i dalë nga patronazhistët.Të ngrihemi në këtë protestë të fuqishme. Nuk mund të nënshtrohemi ne. Nuk mundet kush ta shndërrojë Tiranën në Beogradin e vogël, Tirana është kryeqyteti i kombit”.
Ish-kryeministri tha se kjo betejë duhet të shtrihet në mbarë vendin.
Po të shkoni në Peshkopi. Imagjinata nuk mund t’ua rrokë ju sesi mund të mbyten 40 fshatra të Peshkopisë në një kohë kur sot me panele diellore në një shpat që nuk prish asgjë mund ta marrësh atë energji dhe është përcaktuar që të mbytet Dibra. Unë e kam kundërshtuar me forcën më të madhe dhe ne do të qëndriojmë, do të mbështesim çdo protestë deri në anulimin e atij projekti.
Sa herë shkoj në Shkodër dhe kaloj aty i them vetes: Shpëtova pa i bërë një dëm të tmerrshëm, hidrocentralin e Bushatit. E kishim prokuruar, dolën mjedisorët, organizatat, e ngritën dhe argumentuan dhe ne e anuluam. Do kishim prishur një nga mrekullitë më të mëdha natyrore që ekzistojnë.
Këtë do të bëjë me Skavicën. Të marrësh përsipër të përmbysësh 40 fshatra është kriminale. Merr turbina ere po deshe luginës, vendos panele diellore. Por jo do mbytim fshatrat. Ishte projekt paranojak i diktaturës dhe ka projekt për Skavicën pa asnjë përmbytje. Sigurisht është i vogël.Të mobilizojmë dibranët dhe ti përzëmë”.
Berisha shprehet se një front i qartë kundër kësaj qeverie është jetik për Shqipërinë.
