Tetë persona janë arrestuar në Kretë, si anëtarë të dyshuar të organizate kriminale që zhvasnin qytetarët dhe jepnin para me fajde.
Sipas mediave greke, të dyshuarit janë katër shtetas grekë të moshës 47, 45, 37 dhe 24 vjeç dhe katër shqiptarë të moshës 30, 33 dhe dy 32-vjeçarë.
Rrjeti kriminal u krijua rreth tre vjet më parë kur disa nga të akuzuarit filluan të shantazhonin biznesmenë vendas dhe privatë që përballeshin me vështirësi financiare.
Kreditë me interes të lartë që ata ofruan u shlyheshin me para në dorë ose me çeqe, por nëse biznesmenët nuk mundeshin të paguanin, kërcënoheshin se do t’u merreshin makinat ose pasuritë e tyre të paluajtshme, raporton Ekathimerini.
Grupi fillestar u bë shpejt një bandë e vërtetë shantazhuese me anëtarë të ndryshëm që shpesh bashkëpunonin mes tyre.
Nëse një biznesmen nuk mund të shlyente njërin grup, atij i thuhej të merrte para hua nga grupi tjetër i fajdexhinjve.
Për të pastruar paratë e paligjshme, grupi kishte ngritur biznese si ato që japin makina me qira dhe tregtarë automjetesh me punonjës inekzistentë dhe kishte ndërtuar shtëpi luksoze.
