Zbardhen të tjera detaje nga plagosja me armë zjarri në Velipojë. Mësohet se i plagosur ka mbetur Pjerin Brushtulli 48 vjeç.
Burimet paraprake bëjnë me dije se Brushtulli, ka qënë i dënuar me 15 vite burg për vrasjen e Kolec Hilës, në 6 tetor të vitit 2002.
Ai kishte vetëm disa ditë që kishte dalë nga burgu, për tu plagosur sot me armë zjarri në rrethana ende të paqarta.
Ndërkohë 48-vjeçari ka marrë një plumb në bark ndërsa ndodhet në spital për ndihmë mjekësore, ndërkohë policia ka vijuar hetimet për zbardhjen e ngjarjes.
Velipojë/ Informacion paraprak
Rreth orës 22:00, në Velipojë, në afersi të një resorti, në rrethana ende të paqarta është plagosur me armë zjarri, shtetasi P. B. 48 vjeç, banues në Shkodër, i cili po transportohet për në Spitalin Rajonal Shkodër për ndihmë mjeksore.
Në vendngjarje kanë shkuar forca të shumta policie dhe grupe të FNSH Shkodër , është rrethuar zona dhe vijon krehja e saj me qëllim kapjen e autorit/eve.
Grupi hetimor nën drejtimin e Prokurorisë po vijon punën për zbardhjen dhe sqarimin e plotë të rrethava të ngjarjes me qëllim identifikimin e autorit/ëve.
