Anëtari i Këshillit Kombëtar të PD Çlirim Gjata komentoi në emisionin ‘Task Force’ në Syri Tv hartën e re gjyqësore që parashikon shkrirjen e 10 gjykatave të shkallës së parë.
Gjata tha se kjo mban pë autor Këshillin e Lartë Gjyqësor, por praktikisht është gjithçka e Ministrisë së Drejtësisë.
Sipas Gjatës me hartën e re gjyqësore, do shtohen kostot dhe qytetarët nuk do t’i drejtohen gjykatës por do t’i zgjidhin problemet me vetëgjyqësi.
“Akt politik me miratim të Edi Ramës. E para problemi i vettingut, duke zbrazur gjykatat kur ne diskutonim, se e tha Venecia e para që do ketë efekt të rëndë mbi gjykatat dhe ju skeni resurse për t’i zëvëndësuar.
Sot që janë shtuar kapacitetet dalin 30 veta, por janë mbi 300 të hequr nga vettingu. Meqë s’kemi gjyqtarë, të heqim gjykatat dhe gjyqtarët duke e parë që s’do kenë akses në drejtësi, se ai nga fshatrat e Matit duhet të vijë në Tiranë.
Kjo çon në rritjen e tarifave avokatore, noteriale, gjithçka, do bëjë qytetarët të heqin dorë nga aksesi në gjykatë dhe t’i zgjidhin gjërat me vetëgjyqësi.
Kjo do rrisë kriminalitetin në mënyrë të jashtëzakonshme. Tani do hysh te kriminaliteti i vogël që ka burimin te konfliktet civile që nuk shkojnë më në gjykatë por do zgjidhen me sherre.”-tha Gjata.
Juristi Gjata u shpreh se problem mbetet edhe çështja financiare.
“Ku është studimi? Nxireni studimin. Të dalë, cili grup interesi. Asgjë nuk do të bëhet, këtë grevë duhet ta kishin bërë më përpara.”-deklaroi Gjata.
