Anëtari i Këshillit Kombëtar të PD-së, juristi Çlirim Gjata thotë se fakti që Fredi Beleri u zgjodh si eurodeputet në Parlamentin Europian, Gjykata shqiptare nuk mund ta pengojë që ai të shkojë dhe të bëjë betimin. Gjata tha se BE ka ligjet e veta që prevalojnë mbi ligjet shqiptare.
“Historia që ndodh në këtë vend është se Edi Rama prodhoi një histori duke mos e lejuar Belerin të drejtojë bashkinë e Himarës, ndërsa sot nuk mundet ta gëlltisë sot.
Edi Rama ka krijuar probleme me Greqinë për ccështjen Beleri, me Kosovën për ndarjen e kufijve, me Italinë, e cila zien, për ato kampet e refugjatëve.
A është takuar Edi Rama me Fredi Belerin dhe a i ka kërkuar të kandidojë për Bashkinë e Himarës në logon e PS? Unë e di që po, madje Beleri ia ka refuzuar duke i thënë nuk mund të bëhem dot i majtë.
Qeveria jonë është e detyruar sot të lejojë Belerin të shkojë të bëjë betimin në Parlamentin Europian, pasi ligjet europiane prevalojnë mbi ato shqiptare”, tha Gjata.
