Reperi Cllevio u arrestua disa ditë më parë, pasi kishte thyer masën e sigurisë “arrest shtëpie”. Para se të arrestohej, ai u përfshi në një sherr me Noizyn, ku dhe si pasojë u akuza nga ana e këtij të fundit se ishte pikërisht ai që i kishte vendosur eksploziv biznesit në Durrës.
Cllevio ndodhet në paraburgimin e Fierit. Përmes një postimi në Instagramin e tij, është bërë e ditur se ai po keqtrajtohet, është në gjendje jo të mirë shëndetësore dhe nuk i jepet asnjë mjekim.
“Keviol Ahmetaj po keqtrajtohej në paraburgimin e Fierit. I burgosuri është me të vjella, në grevë urie prej 4 ditësh dhe nuk i jepet mjekim. Çdo gjë është e faktuar në regjistrin e burgut. Dhoma në të cilën qëndron është në kushte mizerabël. Asnjë trajtim shëndetësor në gjendjen në të cilën ndodhet. Nuk i jepet mundësia as të ankohet në asnjë institucion”, thuhet në postimin e reperit në faqaen e tij në Instagram.
