Detaje të reja janë zbuluar në lidhje me arrestimin në Itali të ish-kryebashkiakut të Vorës, Agim Kajmaku.
Mësohet se Kajmaku e fshihte kokainën që iu kap në vazo të bimëve.
Të gjithë veprimtarinë e tij kriminale ai e bënte bashkë me nipin.
Kokaina ishte fshehur brenda vazove të bimëve që kishte blerë Kajmaku, klient prej kohësh në një fidanishte.
Kajmaku u arrestua mbrëmjen e djeshme nga policia italiane me 20 kg kokainë në zonën e San Benedetto del Tronto.
Kajmaku dhe nipi i tij kishin blerë bimët e vogla në fidanishte, por më pas i vendosën në vazo më të mëdha qëi kanë blerë në një biznes lokal, në mënyrë që të fshihnin drogën brenda.
Para se të bëhej ndryshimi, pronari i fidanishtes lajmëroi policinë italiane, të cilët më pas arrestuan Kajmakun dhe nipin e tij.
Kujtojmë se Agim Kajmaku ishte në kërkim edhe nga autoritete shqiptare.
Ai u arratis, për shkak se në formularin e tij të dekriminalizimit, kishte fshehur një dënim që kishte marrë në vendin fqinj, Greqi.
