Kryetari i Partisë Demokratike Sali Berisha ka reaguar përmes rrjeteve sociale për atentatin e ndodhur mesditën e sotme në Tiranë ku humbi jetën Aleksandër Sadikaj.
Berisha shprehet se ngjarja e sotme shënon një tjetër rekord të zi të fuqizimit të krimit dhe të dështimit të shtetit për të garantuar siguri për qytetarët.
Berisha thekson se Edi Rama nuk mund të luftojë krimin pasi ashtu siç po del çdo ditë nga dëshmitë e Dumanit, ai dhe politikanë pranë tij janë aleatë të grupeve kriminale të cilat i përdorin për të blerë e vjedhur vota me qëllim deformimin e vullnetit të qytetarëve.
Postimi i Sali Berishës
Me Edi Ramën rendi dhe siguria në duart e krimit! Miq, ngjarja e sotme shënon një tjetër rekord të zi të fuqizimit të krimit dhe dështimit të shtetit për të garantuar siguri për qyetetarët.
Shpërthimi i sotëm i telekomanduar për eleminimin e kundërshtarit dhe kërcënuar jetën e shumë të tjerëve flet shumë jo vetëm për nivelin e organizimit të mafias por më rënde akoma, ai mbart elementë të një akti terrorist.
Edi Rama nuk mund të luftojë krimin pasi ashtu siç po del çdo ditë nga dëshmitë e Dumanit, ai dhe politikanë pranë tij, janë aleatë të grupeve kriminale të cilat i përdorin për të blerë e vjedhur vota me qëllim deformimin e vullnetit të qytetarëve.
Shqipëria dhe shqiptarët nuk meritojnë të qeverisen nga banditët në qeveri dhe në rrugë. Me Edi Ramën nuk ka as siguri e as të ardhme.
