Nga Boldnews.al
I ke këmbët në ujë? Je bllokuar në trafik. Sheh Lanën që të ka përbytur dyqanin apo shtëpinë? Nuk ka gjë, ka një shpëtim, hidh sytë nga televizioni dhe aty po shfaqet “spidermani”, kryebashkiaku i Tiranës Erion Veliaj. Televizionet e trasmetojnë si “live”, (drejtëpërdrejtë), por në fakt kushedi kur është bërë ajo video dhe na e servirin si të tashmën. Aty Lali flet se PS është qeverisja më e mirë, e çdo kohë që kemi pasur, që nga themelimi i shtetit më 1912 dhe deri tani.
Ende uji të është futur në palcë? Nuk ka gjë, harron shpejt. Ujë me fekale është, jashtëqitje njerëzore, ashtu si propaganda që sheh në televizor ndërsa këmbët i ke ende në ujin e zi që një herë ta sjell Lana dhe një herë tjetër puseta.
As një orë shi nuk kapi Tiranën por çrfarë ra mbi asfalt e beton aq mbeti në spiërfaqe. Nuk funksionojnë rrjetet nëntokësore. Por justifikimin do e kemi po nga Lali. E sigurt është se nëse nuk shellëhet kushedi se ku do dalë pasi të ketë njomur flokët e faqet me ujin e blerë akull të pastër do dalë para kamerave sikur edhe ai po vuan, që është në krye të detyrës, bashkë me “kolegët” që pastrojnë pusetat të shkretët, dhe marrin plevitin sa për gjashtë muaj në vijim do u duhet të shkojnë tek “shëndetësia falas”, që kushton kaq shumë.
Thuajse i gjithë shteti ngriti duart përpjetë. Pak ditë më parë lanë Ishullin e Sazanit të digjej për gjashtë ditë radhazi dhe u desh ardhja e një avioni nga Greqia që dëmi të mos trashej më tej, edhe pse dhjetëra hektarë në ishullin me shkurre dhe pemë tashmë janë shkrumbuar. Dhe vetëm dy ditë më pas Tirana, por edhe disa qytete të tjera të vendit përbyten nga një rrebesh shiu. Bashkia Tiranë e ka për detyrim ligjor që katër për qind të buxhetit të saj vjetor ta kalojë për emergjencat civile.
Në këtë drejtim asgjë nuk është bërë, ndërsa edhe kur në zonat përreth Tiranës ka pasur zjarre është dërguar ushtria për të shuar atë që ka mbetur. Por ka hall e hall që këtu vërtetë do shqetësohet Lali i Madh i Tiranës. Oligarkët po ankohen se gropat e pallateve shumëkatëshe dhe kullave janë mbushur me ujë, duke u prishur jo pak punë. Kur do e hedhin betonin? Kjo është dhimbja e kokës dhe problemi i madh i Bashkisë së Tiranës. Edhe Policët Bashkiakë nuk dolën në rrugë për të rregulluar disi trafikun, po ashtu në shi, me vetëmohim vijojnë të vendosin gjoba ndaj qytetarëve, qofshin ata edhe të lagur.
Shiu i nxorri të palarat një kryeqyteti që podroset nga propaganda, por mjafton pak minuta shi që të shpëlahet e gjitha, duke nxjerrë në dritë të diellit vragat e thella që vijnë nga makutëria e korrupsionit dhe oligarkia e ndërtimit, që nuk ngurron as të ndërtojë buzë kolektorëve. Sot na lagu me ujra të zeza, por nesër do na thajë dhe “pastrojë” me propagandën që çdo televizion i madh mezi pret që të marrë kasetat e gatshme, me regji, skenar dhe aktrim të vetë Lalit.
