Kreyministri Edi Rama u shpreh në samitin e Ballkanit të Hapur në Ohër se pas luftës në Ukrainë kjo nismë tani është një domosdomshëri.
“Ky është një rast për të folur për Ballkanin e Hapur si në Ballkanin e Hapur. Nuk mund të vijmë në një takim të Ballkanit të Hapur dhe të flasim siç jemi mësuar kur shkojmë në Bruksel.
Ne duhet të flasim shumë hapur dhe duhet ta ruajmë dhe ta fuqizojmë këtë karakteristikë të këtij rajoni pa pasur frikë se nga e folura hapur ne mund të kemi më shumë probleme.
Ne mblidhemi sot për herë të parë në një samit të Ballkanit të Hapur pasi ka filluar lufta në Ukrainë. Dua t’iu them të gjithëve se lufta në Ukrainë e bën Ballkanin e Hapur një domosdoshmëri edhe më të madhe se sa ishte më parë. jam shumë i lumtur që sot këtu me ne janë edhe kryeministri i Malit të Zi, Dritani si dhe Zorani nga Bosnja (Zoran Tegeltija, Kryetar i Këshillit të Ministrave të Bosnje dhe Hercegovinës) ashtu siç jam i lumtur që sot këtu janë edhe dy miq të rëndësishëm, komisioneri Varhelyi dhe miku ynë Escobar i cili është i pranueshëm përmes ekranit.
Ballkani i Hapur është i rëndësishëm për njerëzit tanë, për hapësirën e përbashkët në të cilën lindin fëmijët tanë dhe nesër fëmijët tanë do të marrin në duar fatet e duarve tona”, tha Rama.
Kryeministri tha se duhet të afrohemi sa më shumë për të kuptuar njëri-tjetrin, dhe të kuptojmë se e ardhmmja është më e rëndësishme se e shkuara.
Rama ka ironizuar Bashkimin Europian lidhur me atë që e konsideroi si zvarritjen e procesit të hapjes së negociatave.
“Ne nuk përgatitetmi më për dasmën, pasi nuk kemi ndërmend që ne të shkojmë për dasëm, dhe të na thotë nusja, që në rastin konkret është BE, që nuk ua marrim dhëndërrin. E kuptoni tani, na ka dalë Bullgaria, që është për vete burrë, me 1 mijë probleme, po s´kemi çfarë të bëjmë.
Kur shkoj sot në Bruksel dhe kur i shoh më vjen shume keq për ta, mundohem si jap kurajo, edhe pse më përpara më dukej sikur ishin yje që më jepnin kurajo”, tha Rama.
