Ish-kreu i Njësisë Administrative të Kallmetit në Lezhë Besnik Simoni, i cili u arrestua me datë 2 prill pas një konflikti me armë me një bashkëfshatar të tijë, do të vijojë të qëndrojë në burg.
Gjykata e Lezhës rrëzoi kërkesen e 41-vjeçarit, i cili, përmes avokatit mbrojtës kishte kërkuar një masë sigurie më të butë.
Kërkesa për zëvendësimin e masës së sigurisë u shqyrtua nga gjyqtari Artan Hajredinaj, i cili pasi dëgjoi palët në proçes, vendosi që ish-zyrtari lokal të qëndrojë në burg deri në përfundim të hetimeve.
Me masën e sigurise arrest në burg vijon të jetë dhe personi i tjetër, Altin Marku.
Si ndodhi ngjarja
Policia njoftonte në 2 prill, se pas një sherri verbal në zyrë, administratori i fshatit Kallmet është plagosur me armë zjarri me pistoletë. Besnik Simoni u qëllua me tre plumba dhe pasi mori ndihmën e parë në spitalin rajonal të Lezhës ai është transportuar me urgjencë drejt Tiranës.
Gjithashtu policia identifikoi autorin e dyshuar të ngjarjes, Altin Marku.
Njoftimi i policisë Lezhë:
Rreth orës 13.30, në fshatin Kallmet, dyshohet se pas një konflikti verbal të nisur më parë në zyrë, është plagosur në rrugë, me armë zjarri pistoletë shtetasi B. S., me detyrë kryetar i Njësisë Administrative Kallmet, Lezhë, i cili është transportuar menjëherë për ndihmë mjeksore në spitalin e Lezhës.
Shërbimet e Policisë kanë rrethuar zonën dhe vijon krehja e saj për të bërë të mundur kapjen e autorit të dyshuar A. M.
Grupi hetimor ndodhet në vendngjarje dhe po punon për sqarimin e rrethanave të ngjarjes, si dhe fiksimin e çdo provë materiale që do t’i shërbejë hetimit, për zbardhjen dhe dokumentin e plotë të ngjarjes.
