Ish-deputeti Genc Pollo tha në emisionin “Të Paekspozuarit” se Partia Demokratike është konsoliduar si forcë, pavarësisht problemeve që ka në Grupin Parlamentar.
Pollo tha se sfida që kanë drejtuesit e PD është që jo vetëm të luftojnë në mënyrë efektive problemet që shkaktohen nga Qeveria, por edhe të ndërtojnë një alternativë me grupet e interesit. Sipas Pollos, kjo u bë në 2005 dhe dha rezultat, ndërsa tashmë procesi i zgjedhjeve në PD është mbyllur.
Ndërkohë që deputeti Dashamir Shehi tha se PD duhej të largonte Lulzim Bashën si një dështim, por nuk mund të rikthehej te lidershipi i vjetër.
“Jo gjithçka që u ndërtua deri me 25 prill ishte e gabuar, pasi shkuam në 40 % të elektoratit, ndërkohë që Edi Rama mori 48 %. Nuk mendoj se kjo PD mund të sigurojë shumicën, mendoj se duhet një ri-organizim i ri”, tha Shehi.
Ai tha se kjo situata e opozitës nuk është si fotografi mature, që ti e nxjerr dhe e shikon. “Ka ardhur dita që të kemi në raport me shqiptarët një tjetër qasje”, tha Shehi.