Ditën e djeshme, pak para se të niste zyrtarisht edhe procesi i zgjedhjes së Presidentit të ri të vendit, në raundin e 4-t, Kryeministri Edi Rama dhe Kryebashkiaku Erion Veliaj, u shfaqën krah për krah në kopshtin zoologjik në Tiranë, duke inauguruar edhe hapjen e tij.
Ky moment është ironizuar nga analisti Andi Bushati, i cili në një postim në rrjetet sociale, shkruan se nuk dihet ku është mrekullia e këtij të ashtuquajturi “Kopsht Zoologjik”.
“Kam parë me dhjetra foto nga kjo mrekullia e Kopshtit Zoologjik, ku pozojnë qeveritarë, bashkiakë, mbeshtetës të tyre, prindër me femijë, kllounë që ngrohin atmosferën….por ende nuk kam ndeshur në ndonjë imazh specieje për të cilën ti’a vlente që të gjithë këta së bashku të gjendeshin aty”, shkruan Andi Bushati.
