Kryetari i Partisë Demokratike, Sali Berisha ka folur mbi votimin për presidentin e ri. Kreu i PD tha se procesi nuk do të bojkotohet, ndërsa theksoi se vota e demokratëve do të jetë kundër çdo kandidati të propozuar nga PS.
Ndër të tjera, Berisha ka komentuar edhe emrin e gjyqtarit Ardian Dvorani , i cili është lakuar në media si kandidat për presidentin e ri. Kryedemokrati tha se Dvorani simbolizon korrupsionin dhe konfliktin e interesit.
“Presidenti nuk zgjidhet këtu për një shtet të SHBA apo një shtet tjetër, zgjidhet për Shqipërinë dhe shqiptarët. Nëse ka një gjykatës që simbolizon korrupsion dhe konfliktin e interes më shumë se kushdo tjetër që unë njoh në drejtësi është Dvorani i partisë”, tha Berisha, në një konferencë për mediat, duke iu përgjigjur interesit të gazetarëvre.
