E ftuar në SYRI TV, deputetja e PD-së ka folur për ligjin e menaxhimit të Butrintit dhe zhvillimet në parti.
Zhupa theksoi se nëse ligji përsëri kalon edhe pas mos dekretimit të Presidentit, atëherë hapi i radhës do të jetë Gjykata Kushtetuese, duke u shprehur e bindur se ky ligj do të rrëzohet.
Sipas deputetes, që e ka denoncuar që në fillim këtë koncesion, ky është një ligj antikushtetues dhe bie në kundërshtim me Konventën e Parisit të vitit 1972 ku thuhet se shtetet duhet të jenë ato që të menaxhojnë pasurinë e tyre dhe trashëgiminë e tyre kulturore dhe të jenë garant të ruajtjes dhe transmetimit të brezave të ardhshëm.
“Nëse ligji përsëri kalon edhe pas mos dekretimit të presidentit pasi kam shpresë se edhe këtë radhë presidenti do të jetë në mbrojtje të interesit kombëtar siç ishte edhe në rastin e Teatrit Kombëtar atëherë hapi i radhës do të jetë Gjykata Kushtetuese ku ky ligj jam shumë e bindur se do të rrëzohet, pasi është një ligj antikushtetues dhe bie në kundërshtim me Konventën e Parisit të vitit 1972 ku thuhet se shtetet duhet të jenë ato që të menaxhojnë pasurinë e tyre dhe trashëgiminë e tyre kulturore dhe të jenë garant të ruajtjes dhe transmetimit të brezave të ardhshëm. Dhe për këtë arsye a atakuar në Gjykatën Kushtetuese jam 100% e bindur se ky ligj do të rrëzohet pasi është një ligj antikushtetues”, tha Zhupa.
Deputetja demokrate ka folur dhe për zhvillimet në PD dhe procesin e hapjes për të gjithë kontributorët dhe demokratët që janë kundër këtij regjimi.
Zhupa e ka quajtur veten një produkt i hapjes për arsye se ajo nuk i është bashkuar foltores, nuk i është bashkuar Rithemelimit, nuk ka qënë pjesë e Kuvendit të 11 dhjetorit dhe nuk kam qënë pjesë e fushatës së 6 marsit për kandidatët e Shtëpisë së Lirisë.
Sipas Zhupës, shenjat për një hapje janë dhënë dhe hapja është proces, nuk është një ditë një akt, pasi hapja e një partie politike në historinë e vetë është proces dhe nuk mund të ndodhi as me dy as me tre apo me dhjetë emra. Ndodh në degë ndodh në bazë ndodh në strukturat e PD-së, sa përfshihen njerëz të rinj, njerëz që kanë qënë dhe rikthehen, se sa kjo reflektohet në organet e tjera në pushtetin lokal të degëve, se sa reflektohet në Këshillin Kombëtar dhe më pas në Kryesi.
“Unë jam produkt i hapjes për arsye që unë nuk i jam bashkuar foltores, nuk i jam bashkuar Rithemelimit, nuk kam qënë pjesë e Kuvendit të 11 dhjetorit, nuk kam qënë pjesë e fushatës së 6 marsit për kandidatët e Shtëpisë së Lirisë, por e kandidatëve të PD-së, kam qënë pjesë e Kuvendit të 18 dhjetorit.
Unë besoj që shenjat për një hapje janë dhënë dhe hapja është proces, nuk është një ditë një akt, pasi hapja e një partie politike në historinë e vetë është proces dhe nuk mund të ndodhi as me dy as me tre apo me dhjetë emra.
Ndodh në degë ndodh në bazë ndodh në strukturat e PD-së, sa përfshihen njerëz të rinj, njerëz që kanë qënë dhe rikthehen, se sa kjo reflektohet në organet e tjera në pushtetin lokal të degëve, se sa reflektohet në Këshillin Kombëtar dhe më pas në Kryesi.
Kryesia në përbërjen e vetë është shumë e kufizuar janë 20 personalitete që zgjidhen dhe elita e partisë, njerëzit më të votuar në Këshillin Kombëtar duhet të jenë atje”, tha ajo
