Gjithçka gati në Paris për finalen e Champions League mes Liverpool-it dhe Real Madrid-it. Një sfidë që do t’i dhurojë klubit fitues prestigj dhe shumë para.
Në rast suksesi, Real Madrid do të përfitonte 141.5 milionë euro. Kjo shifër do të ishte pak më e ulët për Liverpool-in, që do të përfitonte rreth 128 milionë euro. Diferenca duket se janë të ardhurat më të vogla nga renditja dhjetëvjeçare për anglezët.
Rrugëtimi në Champions League ka çuar që tani në arkat e klubeve 15.64 milionë euro si një bonus thjesht për pjesëmarrjen. Këtyre u shtohen paratë e fituara nga rezultatet e arritura në fazën me grupe:
18 milionë për Liverpool-in (që i ka fituar të gjashtë ndeshjet), 15 për Real Madrid. Duke shtuar shpërblimet pasues për arritjen në 1/8-at, çerekfinalet, gjysmëfinalet dhe finalen e madhe që do të luhet mbrëmjen e sotme, do të arrihet një shifër shumë e lartë: 81,84 milionë për lojtarët e Klopp-it, 78,84 për ato të Ancelotti-t.
Këtyre shifrave u duhet shtuar edhe Market pool dhe çmimet për fitoren finale dhe pjesëmarrjen në Superkupën e Europës (4,5 milionë dhe 3,5 milionë). Diferencën e bën renditja historike: 22.75 milionë për anglezët, kundër 36.4 për Real Madrid, shifra më e lartë e mundshme mes skuadrave pjesëmarrëse.
