Një i ri në Durrës është arrestuar për përndjekje.
“Specialistët për Hetimin e Krimeve në Komisariatin e Policisë Durrës arrestuan në flagrancë, për veprat penale ‘Përndjekja’ dhe ‘Falsifikimi i dokumenteve’, shtetasin E.T., 25 vjeç, banues në Lushnjë”, njoftoi policia.
I riu, sipas të njëjtave burime, në mënyrë të vazhdueshme ka përndjekur shtetasen A.D. Pas ndalimit nga shërbimet e Policisë, gjatë kontrollit të dokumentacionit të mjetit rezultoi se ky shtetas e drejtonte automjetin e tij, me leje drejtimi të falsifikuar, e cila u sekuestrua në cilësinë e provës materiale, mbyllet njoftimi i bluve.
