Policia lajmëron se ka arrestuar dy tifozë holandezë, për dhunën që kanë ushtruar gjatë kohës që pritej të zhvillohej ndeshja mes Romës dhe Feynordit në Tiranë.
Sipas policisë, dy holandezët kanë dhunuar një shtetas shqiptar. Ata akuzohen për “plagosje të rëndë me dashje”.
Njoftimi:
Tiranë
Specialistët për Hetimin e Krimeve në Komisariatin e Policisë Nr. 1 bënë arrestimin në flagrancë të shtetasve D. B., 23 vjeç dhe D. H., 21 vjeç, banues në Holandë, për veprën penale “Plagosja e rëndë me dashje”, kryer në bashkëpunim.
Këta shtetas, më datë 24.05.2022, në Rrugën e Barrikadave, në bashkëpunim me njëri-tjetrin dhe me persona të tjerë, ende të paidentifikuar, kanë goditur me sende të forta, për motive të dobëta, shtetasin A. G., i cili ndodhet në spital, nën kujdesin e mjekëve.
