Deputetja e Partisë Demokratike Jorida Tabaku është përplasur me ministren e Financave Delina Ibrahimaj, pasi kjo e fundit e cilësoi në një situatë të favorshme ekonominë shqiptare, duke lexuar të dhënat e prodhimit të brendshëm bruto.
Tabaku u shpreh se rritja nuk është reale, pasi aty reflektohen vetëm të ardhurat që janë mbledhur më shumë si pasojë e rritjes së çmimeve dhe taksave.
Nga ana tjetër, deputetja demokrate u shpreh se pavarësisht gabimeve që mund të ketë bërë PD gjatë qeverisjes, nuk ka marrë kurrë leje nga oligarkët për të shkruar buxhetin.
Tabaku: Gabime mund të ketë bërë edhe PD gjatë qeverisjes së saj, por leje te oligarkët për të bërë buxhetin nuk ka marrë. Di më shumë se kaq ti të gënjesh, siç tha FMN që bordet duhet të shkrihen.
Duhet të kesh shumë kurajo, që pas 9 vitesh qeverisje, të thuash se ke ngritur prodhimin e brendshëm bruto, që ka ardhur vetëm si pasojë e rritjes së taksave.
