Replika këtë të Hënë mes ministres së Shtetit Elisa Spiropali dhe ish-kryeministrit Sali Berisha i cili solli në vëmendje raportimet e Boldnews.al.
Ishte fillimisht Spiropali, ajo e cila nga foltorja e Kuvendit i kujtoi ish-kryeministrit Sali Berisha se ishte shpallur “non grata” dhe ironizoi rizgjedhjen e tij në krye të PD. Nga ana tjetër, ish-kryeministri Sali Berisha i kujtoi tenderat që familjarët e saj kanë fituar më mënyrë të dyshimtë, duke iu referuar disa artikujve investigativë të publikuar nga Boldnews.al.
“Tenderat e ujësjellësave i merrte burri i kësaj zonjës 5 milionëshe, ia jepte vëllait të saj në mënyrë që të shtoheshin milionat dhe përveç kësaj, zonja që u pasurua aq shumë në dogana saqë kudo ta prekësh, para nxjerr, burrin e çoi nga ujësjellësi në tenderat e KESH-it apo të OST-së dhe aty përsëri kushëriri, pra nëse ka një burrë dhe një grua që kanë lumturuar njëri-tjetrin me para publike, janë çifti Spiropali-Toto. Ndaj dhe sa herë të dalësh, unë do të nxjerr çdo aferë që ke ti sepse në këtë platformë denoncimi i vjedhjeve që bëni është detyrë kryesore e imja dhe e opozitarëve. Edhe njëherë, yt shoq i jep tenderin vëllait tënd, nuk ka vjedhje më të madhe ditën për diell se kjo. Do të të them dhe tenderin. Ja ku e ke”, tha Berisha, duke treguar në tabletin e tij dokumentat e publikuar nga Boldnews.al.
“Portali ka publikuar të gjitha dokumentet zyrtare ku faktohet se vëllai i Elisës është mrekulluar nga burri i Elisës. Fajin e ka portali? Unë e përgëzoj, ka bërë detyrën e vetë, ka bërë transparencë”, tha Berisha në një prononcim të dytë për çështjen, mbajtur jashtë Kuvendit për gazetarët.
Në replikë me ish-kryeministrin, Spiropali ka mohuar akuzat e Berishës.
Lexo edhe:
350 MIJË USD – Bashkëshorti i Spiropalit ia dha tenderat vëllait të Elisës
Lexo edhe:
Kunata e Spiropalit, nga specialiste “Poste” në “pronare” plantacioni ullinjsh për 90 vjet
