Ibsen Elezi, i cili garon për kreun e PD, tha se pika që s´do të toleronte në procesin zgjedhor, ishte ajo e mosleximit drejt të votave të anëtarësisë së PD.
Elezi ka votuar në selinë e PD, atje ku janë vendosur dy qendra votimi, ndërsa në një prononcim për mediat tha se do të njohë rezultatin zgjedhor, por nuk do të tolerojë shkeljet e vogla apo të mëdha.
Elezi tha se nuk ka anëtarë në Komisionet e Qendrave të Votimit, ka vëzhgues, por edhe ato i ka në numër të kufizuar pasi nuk i mbulon dot të gjitha qendrat.
“Kam folur lidhur me procesin, kam denoncuar disa shkelje, por nuk do të toleroj nëse vota nuk lexohet drejtë. Ajo që dua të them është se drita e diellit nuk jam as unë dhe as z.Berisha”, tha Elezi.
