Konferenca e Kryetarëve do të mblidhet sot në orën 10:00 për të caktuar se kur do të jetë raundi i dytë që do të mbahet për zgjedhjen e presidentit. Sipas Kushtetutës raundi i dytë duhet të mbahet brenda 7 ditësh.
Parlamenti dështoi dje të zgjedhë Presidentin e ri të Republikës me raundin e parë pasi PS dhe PD nuk arritën të gjejnë emrin që mund të merrte 84 vota.
Nësë kushti i vendosur nga Enkelejd Alibeaj për t’i dhënë Presidentin opozitës është e vetmja mënyrë që opozita të bashkojë votat me PS, Edi Rama u shpreh dje se është gati të sakrifikojë edhe dy raundet e tjera që kërkojnë shumicë të cilësuar pasi i tha jo kësaj dëshirë politike.
Për kryesocialistin kjo duhet të ecë në rrugën e negociatave dhe jo të kushteve të një opozitë të përccarë.
Por Enkelejd Alibeaj kërkoi dje një qëndrim shkresor nga PS, pasi është i bindur që mazhoranca nuk ka moral për ta zgjedhur e vetme.
Të përjashtuar nga negociatat, LSI e konsideron procesin si një farsë të orkestruar nga Edi Rama.
