Policia e Pogradecit arrestoi një 24-vjeçare në kuadër të operacionit “Mesnata” ku më herët ishte arrestuar edhe një i ri.
Policia bëri të ditur arrestimin e shtetases D. T., 24 vjeçe, banuese në Pogradec.
Sipas policisë, ajo bashkë me shokun e saj, që u arrestua një muaj me parë, akuzohen për veprën penale “Prodhimi dhe shitja e narkotikëve”.
Ata akuzohen për shitje kokaine në rrugët e qytetit të Pogradecit.
“Në vijim të operacionit antidrogë, të koduar “Mesnata”, të finalizuar më datë 10.04.2022, si rezultat i të cilit u arrestua në flagrancë 1 shtetas dhe u sekuestrua një sasi me lëndë të dyshuar narkotike kokainë, gati për shitje, specialistët për Hetimin e Krimeve në Komisariatin e Policisë Pogradec bënë ndalimin e shtetases D. T., 24 vjeçe, banuese në Pogradec, për veprën penale “Prodhimi dhe shitja e narkotikëve”, kryer në bashkëpunim“, njofton policia.
