Analisti Enton Abilekaj, i ftuar në Task Force në SYRI TV, ka komentuar sulmet e kryeministrit Edi Rama ndaj mediave gjatë daljes së tij ditën e sotme.
Sipas Abilekaj, Rama ndihet i konkurruar pasi mendon se SPAK nuk është vetëm nën urdhrat e tij dhe kjo gjë mund ti rrezikojë edhe pushtetin.
Abilekaj: Rama ndihet i konkurruar. Nga kjo lind edhe frika edhe zemërimi dhe orientimi që bën. Ai po mendon se SPAK nuk është vetëm nën urdhrat e tij. Ne e dimë që SPAK para se të bëjë diçka i merr leje Edi Ramës, ashtu sikur edhe Prokuroria e Krimeve të Rënda para se të bënte nja arrestim i merte leje Ramës. Prokuroria e Krimeve të Rënda ka grisur fletë-arreste me urdhër të Ramës.
Që një grupim tjetër, jo Rama, me mbështetjen e ndërkombëtarëve ka më shumë pushtet te SPAK se Rama, atëherë Rama është i shqetësuar nga kjo konkurencë e cila mund ti rrezikojë edhe pushtetin e tij. Rama e ka pasur drejtësinë në kontroll edhe para reformës në drejtësi.
