Ish kryemistri Sali Berisha foli edhe një herë incidentin e ndodhur dje në Kuvend. Berisha thotë se ai ishte kurth i Ramës dhe Alibeaj po keqpërdoret.
“Dua të sqaroj se çfarë ndodhi dje në parlament. Në një kurth banal të ulët Edi Rama për të më privuar nga e drejta e replikës për diskutimin e tij keqpëdori Enkelejd Alibeaj për të dytën herë në mënyrë të pamëshirshme. Edi Rama foli dhe gjatë fjalimit të tij lakoi emrin tij dhjetra herë. E drejta e replikës ushtrohet menjëherë pas folësit. Në këtë kontekst vetëkuptohej që fjala më takonte mua, por ata nxorën me vrap veglën e tyre, në një akt të turpshëm që quhet opozitar në mënyrë që unë të mos flas. Ndërhyri Taulant Begoja. Enkelejd Aliebaj e kuptoi apo nuk e kuptoi aktin që kreu është punë e tij. Ndërkohë që Taulant Balla shkoi deri aty sa të kërkonte 5 minuta pushim”, u shpreh Berisha në një prononcim për gazetarët.
Berisha thotë se kjo nuk është hera e parë dhe se një muaj më parë ishte përsëritur i njëjti skenar. Gjithashtu, parlajmëron dhe kryetaren e Kuvendit Lindita Nikolla: “Replika është replikë. Kryetarja e parlamentit ka shkelur në mënyrë të përsëritur rregulloren por e kam toleruar se është zonjë por nëse do të vazhdojë të bëhet pjesë e kurtheve banditeske banale në Parlament do marrë përgjigjen që meriton”.
Berisha tha se Alibeaj po keqpërdoret nga Balla e Rama.
“Në votim në Parlament PD do të jetë, mendoj unë por do të vendoset. Kurse PD në një proces të bazuar në emailet dhe zarfet secrete nuk mund të përzihet. Çfarë do të bëjë Alibeaj me Ballën është punë e tyre. E patë dhe dje si ai i lejoi vetes të keqpërdoret në shkallën më ekstreme. Në 30 vite nuk ka ndodhur kurrë që një deputet të keqpërdoret nga kundërshtari. Ai që publikisht lejon një vetëposhtrim të tillë mund të lejojë çdo gjë por unë po flas për opozitë të vërtetë”, tha Berisha.
