Një aksident aksident është shënuar pas mesnate në Korçë. Aksidenti është regjistruar rreth orës 01:00 në rrugën e Ravonikut.
Një automjet tip “BMW X5” ka dalë nga rruga e për pasojë janë dëmtuar dy pasagjerë. Të plagosurit janë dërguar në spital. Policia njoftoi arrestimin e shoferit, i cili është konstatuar i dehur në timon.
“Specialistët e Trafikut Urban dhe Interurban pranë DVP Korçë, bënë arrestimin në flagrancë për veprat penale ‘Shkelja e rregullave të qarkullimit rrugor’ dhe ‘Drejtimi i automjeteve në mënyrë të parregullt’ të shtetasit A. K., 23 vjeç, banues në fshatin Qatrom, Korçë. Arrestimi i tij u bë pasi në rrugën Ravonik-Korçë, ky shtetas duke drejtuar në gjendje të dehur mjetin tip ‘BMW’, dyshohet se ka humbur kontrollin e mjetit, ka dalë nga rruga dhe për pasojë janë dëmtuar pasagjerët e mjetit shtetasit S. T., 20 vjeç dhe A. P., 20 vjeç, banues në fshatin Plasë, Maliq, të cilët ndodhen në Spitalin e Korçës, nën kujdesin e mjekëve”, njoftoi policia.
