Një aksident me pasojë vdekjen ka ndodhur në orët e para të mëngjesit të së enjtes në hyrje të Tiranës.
Sipas njoftimit të policisë, dy automjetet janë përplasur fuqishëm te “Kthesa e Kamzës” në kryeqytet dhe për pasojë ka humbur jetën pasagjeri i identifikuar, Avni Gjuni, rreth 35 vjeç.
Ambulanca mbërriti në vendin e ngjarjes dhe ka transportuar me urgjencë për në spital dy drejtuesit e automjeteve që u përfshinë në aksident, Egzon Murataj dhe Murat Dorezi.
“Më datë 02.02.2023, në rrugën “Kastriotët”, janë përplasur automjeti me drejtues shtetasin E. M. me automjetin me drejtues shtetasin M. D. Si pasojë e aksidentit, pasagjeri që ndodhej në automjetin me drejtues shtetasin E. M., shtetasi A. Gj., rreth 35 vjeç, ka ndërruar jetë, ndërsa drejtuesit e dy mjeteve ndodhen në spital, nën kujdesin e mjekëve”, njofton policia.
Grupi hetimor ndodhet në vendngjarje dhe po punon për sqarimin e rrethanave të aksidentit.
