Ministria e Mbrojtjes e Rusisë me anë të një deklarate, ka fajësuar palën ukrainase për shpërthimin e ndodhur në centralin më të madh bërthamor në Evropë, atë të Zaporizhzhia në Ukrainën juglindore.
Zëdhënësi i Ministrisë ruse të Mbrojtjes, Igor Konashenkov, deklaroi se centrali bërthamor po funksiononte normalisht dhe zona ishte nën kontrollin e forcave ruse që nga 28 shkurti. Sipas tij, “shpërthimi monstruoz u bë nga regjimi i Kievit”.
“Mbrëmë në territorin ngjitur me termocentralin, u bë një përpjekje nga regjimi nacionalist i Kievit për të kryer një provokim monstruoz,” tha Konashenkov.
Kjo deklaratë bie në kundërshtim me gjithçka kanë thënë politikanë dhe media të huaja, që janë shprehur se përgjegjësia për sulmin bie mbi Moskën.
