Një ngjarje në përmasat e tragjedisë ka ndodhur mbrëmë në zonën e Andraviës në Ilia të Greqisë, ku një familje me katër anëtarë u vra barbarisht.
Mediat greke kanë publikuar edhe fotot e Xhorxhit dhe të Maries. Ata, sikundër edhe fëmijët e tyre ka dyshime se janë qëlluar me sëpatë.
Ka dyshime se krimi i tmerrshëm është bërë nga ish-bashkëshorti i gruas shqiptare, që ka vrarë çiftin dhe dy fëmijët e tyre. Ai la të gjallë vetëm fëmijën nga martesa me Marien, një djalë 12 vjeç.
Detajet janë akoma më të rënda. Djali 12 vjeç ka gjetur të gjithë anëtarët e familjes të mbuluar në pellg gjaku. Ai madje ka marrë vëllain e vogël teksa akoma ishte në jetë dhe ka dalë me trupin e tij që të kërkojë ndihmë tek fqinjët.
Fqinjët kanë thënë se Xhorxhi dhe Maria ishin njerëz të qetë, që nuk kishin sjellë ndonjëherë probleme në komunitet. Xhorxhi përshkruhej si njeri i qetë, punëtor e fjalëpak.
