Kryetari i Bashkisë së kryeqytetit, Erion Veliaj tha se Tirana është kryeqyteti me kriminalitetin e rrugës më të ulët në Europë, duke iu referuar “një raporti të Eurostat”.
Gjatë një takimi në policinë e Tiranës, Veliaj bëri një krahasim me Londrën e Parisin.
“Nuk po them që jemi më të mirë se Londra ku epidemia e vrasjeve me thikë është kthyer në sport për adoleshentët. Nuk po them se jemi më mirë se Parisi, se Nju Jorku mos më keqkuptoni, po them në këtë fushë, në këtë specifikë, në këtë detyrë, Tirana është kryeqyteti më i sigurt sot”, tha ai.