Kryetarja e LSI, Monika Kryemadhi, e konsideron si teknik, bashkëpunimin mes forcës politike që kryeson dhe Komisionit të Rithemelimit.
Në një intervistë për Report TV, ajo tha se në zgjedhjet e 6 marsit do të kenë përballë rilindjen mavi dhe rilindjen blu.
Kryemadhi u shpreh se nuk është takuar me zotin Berisha por me pjesëtarë të tjerë të grupit të rithemelimit.
Ajo u shpreh se në 6 mars hyjmë për të fituar, duke shtuar se vetëm një hyn në garë për të humbur.
Teksa shprehu bindjen në fitoren e kandidatëve të koalicionit ‘Shtëpia e Lirisë’, ajo tha se në Shqipëri ka vetëm një njeri që hyn në garë për të humbur. Kryetarja e LSI tregoi dhe modalitet e funksionimit të koalicionit ku sipas saj, pjesën e angazhimit politik, tezave do ta drejtojë Grupi i Rithemelimit.
“Kërkesa në fakt është dorëzuar dje, pavarësisht se ka qenë para afateve kohore. Se duheshin regjistruar të gjitha partitë politike, 11 partitë politike më pas regjistroheshin koalicionet. Duke pasur parasysh për të mbyllur një proces për të mos krijuar asnjë lloj aludimi dhe për të ecur sa më shpëjt që dhe kandidatët të fillonin proceset e tyre.
Ne nuk do të kemi kandaditatët tanë, këto janë kandidatët e grupit të rithemelimit të cilët kanë ardhur si rezultat i primareve. Lider politik i këtij koalicioni edhe në marrëveshje është vetë grupi rithemelimit janë ata që do të drejtojnë fushatën politikisht në aspektin e tezave politike, angazhimeve politike, ndërsa LSI është instrumenti i regjistrimit të kandidatëve së bashku me Partinë Demokristiane në KQZ. Për të lehtësuar një proces burokratik. Kjo nuk do të thotë që LSI nuk do t’i bëjë thirrje të gjithë qytetareve apo dhe të gjithë mbështetësve të saj në të gjashta bashkitë për t’u drejtuar drejt kutive në 6 mars për të votuar atë kandidat në të cilin ata gjejnë veten”, tha ajo.
Pse morët këtë vendim për kandidatët e Komisionit të Rithemelimit dhe nuk dolët me kandidatët tuaj?
‘Ka të bëjë me unifikimin e opozitës përballë kandidatëve të Rilindjes dhe dhënia e mundësisë qytetarëve për të pasur një qeverisje ndryshe. Na pëlqen apo nuk na pëlqen ne, grupi i rithemelimit, mjafton të shikosh balancash shumica dërrmuese e Partisë Demokratike është me grupin e rithemelimit, kush kërkon të bëjë demagogji është si të fusësh minaren në xhep. Përsa i përket anës së teknilatiteve ka negociuar Zoti Vasili dhe Endrit Braimllari, Sekretari i Përgjithshëm’.
Si e shikoni këtë garë? Cilat janë objektivat tuaj?
‘Nuk ka njeri që hyn në garë për të humbur. Vetëm një kemi që hyn në garë për të humbur. Që i bën llogaritë për të humbur sepse fiton më shumë duke humbur sesa fitojnë mbështetësit e tij. Normal që kandidatët e koalicionit ‘Shtëpia e Lirisë’ hyjnë për të fituar’.
Një aleat armik e keni cilësuar Lulzim Bashën
Patjetër një aleat armik, mjafton të shikoni proceverbalet e grupeve të numërimit të Partisë Demokratike në 25 prill. I hiqet mandate Elona Gurit i jepet Edi Ramës. I hiqet mandate Ardit Celës i jepet Blendi Klosit, i hiqet mandati Endrit Braimllarit i jepet Niko Peleshit. Mjafton kjo për të kuptuar sesi mandatet i hiqen LSI dhe i shiten Partisë Socialiste. LSI nuk ka ndërmend të luftojë për të shkuarën por të mësojë nga e shkuara.
Do keni një kundërshtar të fortë apo të dobët në këto zgjedhje
Të nxjerrë kandidatët një hëre se nuk ka nxjerrë kandidatët. Afatet e fundit këto ditë janë. 6 shkurti është afati i fundit. Të mendosh që ka 10 vjet për primare dhe ende nuk ka hedhur emrat. Apo po bën sondazhe një listë apo dy lista. Është traditë e përhershme, është traditë që i mban gjërat në momentin e fundit. Unë shpresoj që të marrë pjesë në zgjedhjet e 6 marsit po mos u çudisni kur të thotë që nuk bëhem pjesë e ‘Trekëndëshit të Bermudës’ dhe nuk marr pjesë në zgjedhjet e 6 marsit, sepse kam përshtypjen që rezultatet do të jenë komplet ndryshe.
Mendoni që nuk do të hyjë në garë?
Po këtë punë ka bërë gjithmonë. Nuk na futi në zgjedhjet e 30 qershorit. Tha nuk do ti lëshojmë zyrat, i lëshoj zyrat me celësat me të gjitha me të tëra. Nuk do bëjmë këtë, nuk do bëjmë atë. Mbi trupin tim do kalojë ky, mbi trupin tim do kalojë ai.
Bashkëpunimin me Berishën e keni vetëm për zgjedhjet e 6 marsit?
‘Është një bashkëpunim teknik. Është bashkëpunim teknik që ka të bëjë me procesin administrativ. Ky nuk është një proces me Berishën ështëme grupin e rithemelimit. Unë me zotin Berisha nuk jam takuar. Jam takuar dhe kam komunikuar me zotin Flamur Noka. Jam takuar me Belind Kelliçi. Kam komunikuar në telefon me zotin Klevis Balliu për Lushnjen. Ne jemi të rreshtuar në opozitë kundër Edi Ramës. Nuk bëjmë gjasme sikur jemi kundër Edi Ramës dhe ndërkohë nënshkruajmë koncesione para, tendera, leje ndërtimi nga Edi Rama. Ne jemi në ballore me të. Automatikisht ne do suportojmë çdo kandidat që është kundër Edi Ramës. Sigurisht që kemi dhe rilindjen blu, rilindja mavi dhe rilindja blu aty janë bashkë nuk na bën asnjë lloj përshtypje kjo gjë’.
