Kreu i grupit parlamentar të Partisë Socialiste, Taulant Balla kërkon që të mos politizohet ngjarja e djeshme në Durrës, ku iu vu tritol banesës së kreut të FSHF-së Armand Duka.
“Policia dhe prokuroria janë në krye të detyrës. Nuk duhet politizuar dhe treguar gishti ndaj askujt. Reagimi i kolegut tim Erion Veliaj ka qenë shumë mbështetës”, tha Balla.
“Ajo që është e rëndësishme ligji do godasë fort këdo. Shumë shpejt policia dhe prokuroria do të vendosin përpara ligjit për një ndëshkim shembullor të kujtdo që përdor dhunën, aktet terroriste dhe kërcënimet”, shtoi ai.
Deklaratat i bëri nga Lushnja, nga ku, u shpreh i bindur se socialistët do të vazhdojnë qeverisjen vendore në këtë bashki.
“Ne do të vazhdojmë qeverisjen vendore të Lushnjes jo për këtë vit deri në 2023 por edhe në mandatin e ardhshëm të qeverisjes vendore sepse kemi plot projekte të rëndësishme që jemi në proces për ti çuar përpara”, tha ai.
