Komisioni i Rithemelimit sërish në selinë e PD

Anëtarë të Komisionit të Rithemelimit do të shkojnë edhe këtë të Premte në selinë qendrore të Partisë Demokratike.

Zyra e shtypit pranë komisionit njoftoi se “sot do të shkohet në seli për të zhvilluar mbledhje në orën 11.00 dhe 12.00 përkatësisht”.

Dy ditët e fundit, anëtarë të Komisionit të Rithemelimit të PD-së, deputetë demokratë, kanë shkuar në seli, por i kanë gjetur dyert të kyçura.

Grupi tjetër ka deklaruar se për të hyrë në godinë duhet të merret leje te administrata.

LEXO EDHE  Studimi/ Sa efektive janë vaksinat Pfizer dhe Moderna

Pas kyçjes së dyerve, komisioni ka lajmëruar një protestë në datë 8 Janar para selisë. Anëtarë të komisioni kanë deklaruar se në këtë ditë Lulzim Basha do të nxirret nga zyra e kryetarit, në bazë të votimit për shkarkimin e tij nga mbi 44 mijë anëtarë të PD-së, në referendumin e 18 Dhjetorit.