Nishani: 8 janari ditë historike për fatin e PD

Ish-Presidenti Bujar Nishani, anëtar i Komisionit të Rithemelimit të PD-së, ishte sot në Kukës për 31 vjetorin e krijimit të Partisë Demokratike lokale.

Ne aktivitetin e organizuar në Pallatin e Kulturës folën themeluesit e kësaj dege në 5 janar 1991, por edhe anëtare e ish-drejtues të bashkisë se Kukësit.

Ish-presidenti Nishani, duke vlerësuar kontributin e demokratëve të Kukësit tha se ka ardhur momenti që opozita të marrë në dorë fatet e nëpërkëmbura të demokrateve e shqiptarëve.

LEXO EDHE  VIDEO/ Sulltani Erdogan mbërrin në Rinas, pritet me ceremoni shtetërore nga Rama dhe ministrat

Duke folur për situatën aktuale, Nishani e vuri theksin tek vullneti i demokratëve për rithemelimin e Partisë Demokratike dhe bashkimin rreth saj me qëllimin e vetëm për të rrëzuar regjimin e Edi Ramës në vend.

8 janarin, Nishani e cilësoi si një dite historike për fatin e Partisë Demokratike dhe anëtarëve të saj.