Kryeministri Edi Rama në një dalje LIVE në Facebook, paralajmëroi se ditën e sotme janë regjistruar 1236 raste të reja me koronavirus në Shqipëri.
‘Efekti i festave, i mungesës së plotë të shtrëngimeve dhe patjetër edhe efekti i variantit të ri Omicron, që ka një shpejtësi më të madhe transmetimi sesa variantet e mëparshme. Sot janë shënuar 1236 raste të reja me Covid 19. 107 persona ndodhen tani që flasim të shtruar në Infektiv, që mbi 95% lidhen me mosvaksinimin’, tha Rama.
Ditën e djeshme, rastet e reja me koronavirus ishin 801. Ndërkohë që Komiteti i Ekspertëve hoqi masat kufizuese natën e ndërrimit të viteve.
