Lulzim Basha replikoi sot disa herë me ministren e Shtetit, Elisa Spiropali, të cilën e quajti si “Zonja 5 mln”, ndërsa akuzonte përfaqësues të mazhorancës për korrupsion
“Toleranca e vetme buron nga kohëzgjatja e shkurtër në atë karrige. Unë s’e përmenda atë. Përfaqësues të korrupsionit mund të çohen të gjithë se ndjehen të korruptuar, gjysma juaj. Për sa kohë s’u përmend emrin s’kanë të drejtë të vijnë për replikë dhe kur ua përmend emrin ulin sytë përtokë”
Ajo ishte replikë ndaj saj dhe vjen e na tregon legjitimitetin. Zonja 5 milion, unë kam të paktën 3 muaj tu jap mundësinë që të provoni se nuk është akuzë ndaj lëreni propagandën. Se kam fjalën thjesht me godinën e spakut por me kafazin e spakut aty ku keni çuar njërin prej jush.
Keni çuar bishtin për kokë dhe koka për peshk te luca. Më lini të mbaroj fjalën… (2 herë ia ndërpret) Unë e kam përpara orën… ose rregulloni kronometrin ose më lini të mbaroj fjalën. Mos të ketë merak zonja 5 milion, e fillojmë nga unë i pari e të më pas gjithë nga i pari te i fundit”, tha Basha.
Replikat
Lulzim Basha: Edhe një herë, toleranca e vetme ndaj jush në këtë moment buron nga kohëzgjatja juaj e shkurtër, edhe përkundër vullnetit tim është shumë e gjatë, por prapë se prapë e shkurtër në atë karrige. Çfarë replike? Unë mora fjalën për procedurë nuk e përmenda fare personin. Përfaqësuesit e fenomenit të korrupsionit mund të çohen të gjithë. Kur flas unë për korrupsion, këtu mund të çohet treçereku i grupit tuaj parlamentar e të kërkojë replikë sepse ndihen të korruptuar, se ndihet i inkriminuar, disa prej tyre janë kriminelë me rekorde kriminale, janë anëtarë të organizatave kriminale të skeduar nga policia e shtetit, nga shërbimi informativ, nga CIA, nga DEA, nga FBI-ja, i ke këtu në këtë sallë. Por për sa kohë që unë s’iu përmend emrin, s’kanë të drejtë të vijnë për replikë, edhe kur ua përmend emrin, ulin sytë përtokë. Me ç’të drejtë jepet replikën personit?
Lindita Nikolla: E përmendët kur morët fjalën.
Lulzim Basha: Nuk e përmenda fare. Ajo ishte replika zonjë. Ajo ishte replikë ndaj saj që vjen këtu të na tregojë legjitimitetin. Zonja 5 milionë, mburresh tavolinave se doli Drejtoreshë e Doganave me 5 milionë.
Lindita Nikolla: Kjo nuk është procedurë, do iu ndërpres fjalën. Ju lutem kjo nuk është procedurë.
Lulzim Basha: Kam të paktën 3 muaj që u jap mundësinë që të provoni që nuk është akuzë. Ndaj, lëreni propagandën në këtë ditë ku duhet të ishin gjysma prej jush në SPAK dhe se kam fjalën thjesht në godinën e SPAK-ut, por në kafazin e SPAK-ut. Aty ku keni çuar njërin prej jush. Lëreni propagandën, jeni kapur në vjedhjen e shekullit. Keni çuar bishtin për kokë dhe koka kushedi ku ju ka shkuar. Keni çuar bishtin e peshkut për kokë dhe kokan ka shkuar për peshk me Vuçiç, tek Luca më duket prapë. Kështu që lërini këto. Keni propozimin mbi tavolinë. E keni fare të thjesht. Jeni të pastër ju? Jeni ballëlartë ju, hajde shkojmë të gjithë para SPAK-ut, votoni një nen, dy nene sa janë, SPAK-u me detyrim merr në shqyrtim kontaktet e papërshtateshme dhe pasurinë e gjithsecilit prej nesh. Mos të ketë merak zonja 5 milionë. E fillojmë nga unë i pari, dhe e shohim si dalim para shqiptarëve. Ky është propozimi im. Armiku i mirëqenies së shqiptarëve është korrupsioni. Korrupsionin e bëjnë politikanët të gjithë, nga i pari tek i fundit në SPAK me detyrim.
