Anëtari i Këshillit Kombëtar të Partisë Demokratike Gazmend Oketa jep një parashikon dorëheqjen e Lulzim Bashës nga funksionet në PD.
I ftuar në emisioni “Dekalog”, Oketa tha se nisur nga e gjithë kjo situatë, edhe sikur Basha të mbajë vulën, logon dhe të ketë mbështetjen nga ambasadorët, ai një ditë do japë dorëheqjen. Por sipas tij, kriza më pas kalon te Sali Berisha, sepse e ardhmja e PD nuk është Sali Berisha.
“Nëse do isha në pozitën e Lulzim Bashës nuk do rrija kurrë në krye të PD. Jo amsbadorët por edhe presidentit i SHBA të më vine në zyrë unë do largioehsha. Po flas me norma dhe parime. Ambasadorët nuk të bëjnë kryetar dhe nuk të mbajnë kryetar. Por ama kam një pyetje: A i takon dot Berisha ambasadorët? A shkojnë ambasadorët te Berisha edhe nëse ai i thërret? Skenari im është, sepse unë kam natyrën time optimiste.
Nuk e ngarkoj veten me emocione negative. Duke besuar edhe te ajo pak fije ndërgjegje që do ti ketë mbetur zotit Basha do vij një moment që kjo histori do mbarojë. Marrim variantin që Basha e mban me firmë dhe me vulë me çelsa dhe me brava dhe me ambasadorë. Problemi është se do ti duhet të përballet me demokratët nëpër qytete. Detyrimisht duhet të dalë dhe duhet të lëvizë.
Gjykoj se nuk e gëzon këtë mundësi dhe këtë kapacitet. Në cilëinë e kryetarit të Partisë Demokrarike Lulzim Basha të gjithë investimin e tij e ka bërë nga shtëpia në zyrë, në telefon me zotin Berisha dhe kanë qenë bashkë. Nuk ka ruajtur as raporte humane me kolegët dhe bashkëpunëtorët. Dhe të ketë njerëz që vërtetë besojnë te ai. Lider nuk është se të vendosin një kurorë por të vënë një përgjegjësi. Dhe këto marrëdhënie nuk i ka ruajtur.
Po të shikosh në këto tetë vite janë ndërruar tre kaëtr sekretarë për marrëdhëniet me jashtë. Hajde dikush me bujë të madhe dhe pas tre muajsh askush nuke di se çfarë është. Ky është variant që do ta detyroj zotin Basha të dorëhiqet.
Nëse zoti Basha dorëhiqet problemi në gjykimin tim transferohet te zoti Berisha. Problemi i non gratës, problemi i marrëdhënies së zotit Berisha me trupin diplomatik sjellin një krizë tjetër. Sali Berisha nuk është e ardhmja e PD”, tha Oketa.
