Lulzim Basha, i shkarkuar si Kryetar i PD në Kuvendin Kombëtar të 11 dhjetorit, pavarësisht se nuk njeh vendimin, shprehet se kjo parti ka rrëzuar kultin e individit duke u ndarë nga e shkuara.
“Në 18 dhjetor demokratët zgjedhin me qytetari të ardhmen”, shkruan Basha.
Sipas tij, ora më e errët është ajo pak përpara agimit.
“Kështu ishte 31 vite më parë, kur Partia Demokratike e Shqipërisë u themelua për të ndarë të ardhmen nga e shkuara, për të sjellë lirinë, për të rrëzuar kultin e individit dhe për ta ribashkuar Shqipërinë me Perëndimin. Kështu është sot. Prandaj ditët më të mira i kemi përpara. Demokratët do të bashkohen më #18Dhjetor për të zgjedhur sërisht të ardhmen, e me qytetari do ofrojnë modelin e ndryshimit që shqiptarët kërkojnë, për t’i dhënë fund tranzicionit”, shprehet Basha.
Më 18 dhjetor gjithashtu mbahet edhe referendumi mes demokratëve, ku i është kërkuar anëtarësisë që të votojë nëse mbështesin ose jo Lulzim Bashën si Krytera i PD. Kjo ishte forma e vendosur nga Kuvendi i 11 dhjetorit, ku mbi 4400 delegatë vendosën me votim të fshehtë për largimin e Bashës si kryetar i PD.
