Gazetari Almer Toska, i ftuar në studion e News24, dha një deklaratë të fortë lidhur me protestën e Partisë Demokratike që pritet të zhvillohet sot para Kryeministrisë. Ai tha se problemi kryesor i opozitës është humbja e besimit dhe komprometimi i strukturave të saj.
Sipas Toskës, 11 maji ka qenë momenti kyç ku, sipas tij, “Edi Rama bleu opozitën në tavolinë”, duke goditur besueshmërinë e PD-së tek demokratët dhe publiku i gjerë. Ai shtoi se brenda partisë ka individë që përfitojnë nga tenderat dhe që, në vend të një gare të drejtë politike, kanë krijuar një sistem të mbyllur që largon qytetarët.
“Strukturat janë të kapura dhe qytetarët e dinë këtë,” tha ai, duke theksuar se mungesa e një lidershipi të besueshëm e ka futur PD-në në një krizë të thellë.
“Edi Rama e ka marrë garën në tavolinë gjithmonë. Gara e këtij ka qenë gjithmonë e blerë. Në 11 maj Rama bleu opozitën si bllok.
Berisha nuk është më si dikur ndaj me gjithë mirëkuptimin duhet të japë një zgjidhje, një alternativë. Kjo është motoja e PD, me dhe pa Berishën.
Nëse Berisha nuk ridimensionin veten në raport me PD gjendja do jetë edhe më shterpë. Sot do shohim një protestë dështakësh me 200 veta”, tha ai.
