Analisti Armand Shkullaku u shpreh në studion e “Opinion” se deklaratat e bëra nga zv.Ndihmës Sekretarit të Shtetit, Gabriel Escobar, ishin shumë më të moderuara se ato të ambasadores amerikane, Yuri Kim.
Shkullaku tha se Kuvendi i 11 dhjetorit do të ndajë përfundimisht se kush do të drejtojë Partinë Demokratike.
“Nëse z. Berisha do të mbledhë mbi 50 % të delegatëve, atëherë Partia Demokratike drejtohet prej tij, ose Lulzim Basha është i shkarkuar. Nëse nuk do të jenë mb 50 % atëherë, Lulzim Basha ka shumicën e PD”, tha Shkullaku.
Sipas tij, po të kihen parasysh deklaratat e ambasadores Kim, që thonte se ne nuk do të bashkëpunojmë me një parti që drejtohet nga Berisha, sot z. Escobar nuk e tha një gjë të tillë.
“Tani nëse aksionerët e një partie, në rastin konkret delegatët do të mbështesin Berishën, atëherë kjo i jep fund debatit”, tha Shkullaku.
