VIDEO/ Tiranë, shpërthen bombola e gazit në një apartament

Një shpërthim ka ndodhur në një apartament në Tiranë, në zonën e Komunës së Parisit, duke krijuar dhe një vatër zjarri.

Shpërthimi dyshohet se ka ardhur pas rrjedhjes së gazit nga një bombul, ndërsa nuk raportohet për persona të lënduar.

“Rreth orës 11:10, në një kompleks pallati, si pasojë e shpërthimit të një bombule gazi, ka rënë zjarr në banesën e shtetases A.K., ku ka vetëm dëme materiale”, njoftoi policia.

LEXO EDHE  Temperatura -16 gradë në Dibër, dëbora bllokon disa fshatra

“Në vendngjarje ndodhen forcat zjarrfikëse të cilat po punojnë për fikjen e zjarrit, ndërsa vijon puna nga grupi hetimor për zbardhjen e rrethanave të ngjarjes”, shtuan të njëjtat burime.