Edhe këtë vit në Athinë, banorët janë ngritur në protestë të dhunshme, për të përkujtuar adoleshentin që u vra, Aleksandros Grigoropoulos.
Pas marshimit paqësor një grup janë nisur drejt Eksarkisë ku kanë vënë zjarrin koshave të plehrave dhe kanë gjuajtur me gurë policinë, e cila është kundërpërgjigjur me gaz lotsjellës.
Kjo situatë përsëritet çdo vit në Athinë. Ishte data 6 dhjetor e vitit 2008, kur djali i ri po kthehej nga një festë dhe përfshihet në sherr verbal me dy policë. Njëri nga policët e qëllon me armë të pafajshmin Grigoropoulos.
Kjo vrasje jo vetëm ndezi revoltën e madhe të rinisë, që edhe sot e kësaj dite e ka kthyer 6 dhjetorin në një ditë përkujtimore kundër arbitraritetit të policisë. Një ditë në të cilën shumë grekë vizitojnë vendin e krimit dhe vendosin lule.
