Basha: Vendimi për përjashtimin e Berishës i drejtë, mora kosto personale

Kreu demokrat Lulzim Basha u shpreh se askush nuk mund të komentojë vendimin e Qeverisë amerikane lidhur me shpalljen “non grata” të ish-Kryeministrit Sali Berisha.

Në studion e ABC, Basha tha se as interesi im personal dhe as ai i Berishës nuk mund të prevalojë mbi interesin e demokratëve dhe Partisë Demokratike.

“Bindja ime lidhur me vendimin që kam marrë është: mora vendimin më të vështirë, por më të drejtë. Nëse do të merrja vendime të tjera, do të kishim një pozitë më të rënduar për z. Berisha, por edhe më të vështirë për demokratët.

LEXO EDHE  Mjekja Dollenberg: Me Omicron mund të infektohemi disa herë brenda 3 muajsh

Mora vendimin me kostot më të larta personale. Kam bashkëpunuar 16 vite me z. Berisha dhe nuk kam ndërmend ti hedh poshtë”, tha Basha.

Kreu demokrat u shpreh se “nuk kam ndërmend të përshtyj mbi 16 vite bashkëpunim me Sali Berishën”.