Nis mbledhja e përbashkët e dy qeverive Shqipëri-Kosovë

Ka nisur mbledhja e përbashkët e qeverive të Shqipërisë dhe Kosovës.

I pari, fjalën e mbajti kryeministri Edi Rama, i cili u shpreh se “sfida e përbashkët është rritja e zbatueshmërisë së marrëveshjeve dhe të realizojmë një sinergji të plotë mes të dyja shteteve, në të gjitha fushat”.

“Sot e sjellim bashkëpunimin më pranë njerëzve, çojmë në një fazë tjetër lehtësimin e lëvizjes së lirë, të punësimit dhe ndërveprimin më të madh mes dy bashkësive në dy anët e kufirit. Më vjen mirë që sot angazhohemi për heqjen e lejeve të qëndrimit të përkohshëm dhe hapjen e pikës kufitare të përbashkët në Shishtavec”, shtoi kryeministri.

Më tej, Rama deklaroi se sot firmoset marrëveshja për zbatimin e lehtësirave në kontrollin e mallrave.

“Jemi të qartë që nga të dyja anët kemi nevojë të përmirësojmë kushtet për hapjen e tregjeve. E dimë që një pjesë e madhe e kësaj problematike lidhen me burokracitë dhe jo arsyet objektive për të mos vazhduar me zhbllokimet e mëtejshme, që të integrojmë plotësisht tregjet tona. Prandaj më vjen mirë që sot firmosim marrëveshjen për zbatimin e lehtësirave në kontrollin e mallrave”, deklaroi kreu i qeverisë shqiptare.

LEXO EDHE  U bllokua në ditën e inagurimit, Policia: Në rrugën e Arbrit qarkullimi vetëm me zinxhirë

Rama tha po ashtu se një tjetër hap i rëndësishëm që pritet që të ndërmerret është studimi për ndërtimin e hekurudhës Durrës-Prishtinë.

“Për punimin e hekurudhës, Tiranë-Rinas-Durrës ne do të nënshkuajmë një memorandum bashkëpunimi për të filluar studimin e fizibilitetit për hekurudhën Durrës-Prishtinë, një ëndërr e kahershme dhe një ambicie e gjithë qeverive këtej dhe andej kufirit, jemi të bindur se në varësi të këtij studimi ne do të duam që bashlarisht të prezantojmë dhe këtë projekt për të aksesuar fonde nga plani evropian i Investimeve”, tha Rama.

Lexo edhe:

Sot, mbledhja e përbashkët e dy qeverive Shqipëri-Kosovë, marrëveshjet që firmosen