Partizani-Teuta, flet tekniku Daja: Ja skema që do përdor, synojmë 3-pikëshin

Foto: Partizani.al

Partizani dhe Teuta do të përballen të premten në kuadër të javës së 10-të të Abisnet Superliga, takim që do të luhet në orën 16:45 në “Elbasan Arenë”.

Partizani do të kërkojë fitoren përballë Teutës, ndërsa në fazën e parë demat grumbulluan vetëm 9 pikë.

Tekniku i Partizanit, Ilir Daja, në një konferencë për mediat, tha se ekipi gjatë fazës së parë kishte një krizë rezultatesh.

Lidhur me skemën me të cilën do të luajë përballë Teutës, Daja tha se në 4-4-2 nuk mund të fusësh një lojtar mbrojtës, por koha e pakët për të përgatitur këtë përballje na bën të mundur që me spostimin e Grigorov të kemi një skemë të përafërt me atë që kemi përdorur.

“Katër ose 5 lojtarë të rinj janë pjesë e formacionit titullar. Nuk i kanë bërë ata gabimet, i kemi bërë të gjithë bashkë. Nga ana psikologjike lojtarët e rinj vuajnë pak më shumë, por me këta të rinj kemi një të ardhme të sigurte”, shtoi ai.

LEXO EDHE  PSG e gatshme të paguajë 60 milionë euro për Theo Hernandez

Daja tha se në fazën e parë durrsakët e kishin mundur Partizanin, ndaj dhe sfida duhet vlerësuar maksimalisht.

“Me përjashtim të dy ekipeve që janë në vendet e para, të gjitha skuadrat e tjera, gjatë fazës së parë, kanë qenë të paqëndrueshme, ashtu si Partizani”, tha Daja.

Ai u shpreh se në takimin ndaj Teutës, ekipi i “Demave” kërkon vetëm fitore.

“Teuta është kampionia në fuqi, një skuadër cinike, që të godet. Nesër do të jemi të gjithë bashkë, që të arrijmë suksesin”, tha ai.