Importi i mallrave si ndihmë humanitare, zbulohet skema e mashtrimit

Një skemë për mos pagesën e taksave nga një kompani, duke importuar mallra si ndihma humanitare, është zbuluar nga autoritetet.

Konkretisht, Administrata Doganore njofton se nga skema e ngritur, përfaqësuesi ligjor i subjektit me iniciale H.D., ka importuar dhe futur në territorin doganor shqiptar sasinë prej 864 559 kg me artikuj të ndryshëm industrial, të cilat kapin vlerën prej 356 370 euro.

Vlera e detyrimeve doganore të shmangura për mallrat janë në shumën 34,506.839 lekë, ndërsa penaliteti për vlerën e detyrimeve të shmangura është në shumën 207,041.034 leke.

LEXO EDHE  U denoncua e zhdukur, 25-vjeçarja: Ika me një djalë që njoha në FB

Në total, shuma e detyrimeve doganore dhe penaliteteve të shmangura janë 241, 547.874 lekë.

Të njëjtat burime bënë me dije se materialet për rastin në fjalë janë referuar në Prokurorinë pranë Gjykatës së Shkallës së Parë Tiranë dhe asaj Durrës, për kryerjen e veprave penale “Kontrabanda me mallra të tjera”, “Kontrabanda nga punonjës që lidhen me veprimtari doganore”, “Kontrabandë me mallra me regjim të ndërmjetëm”, “Falsifikimi i dokumenteve”, “Fshehje të ardhurave” dhe “Pastrimi i produkteve të veprës penale ose veprimtari kriminale”.