Qeveria tërhiqet nga koncensioni i kolaudimit të automjeteve. Kjo u bë e ditur nga ministrja e Financave, Dalina Ibrahimaj në mbledhjen e Komisionit Parlamentar të Ekonomisë, ku gjithashtu njoftoi se ka një rishikim të koncensioneve për 2022.
Ky projekt ka qenë në listën e konçesioneve të reja për vitin e ardhshëm dhe parashikohej të kishte një kosto prej 20,3 miliardë lekësh.
“Kemi hequr koncesionin e kolaudimit, i cili është në fakt një shërbim që kryhet nga DPSHTRR dhe ishte i mbetur atyr prej vitesh. Kemi saktësuar shifrën e Rrugës së Arbrit, 40.3 miliard lekë me TVSH, nga 45.6 mld lekë që ishte më parë”, theksoi Ibrahimaj.
Për vitin 2022, Qeveria ka parashikuar 7 koncensione me vlerë 2 mld usd, ndërkohë që Ministria e Financave ka bërë saktësime edhe për koncesionet si ai për aeroportin e Vlorës, për Triportin e Sarandës dhe Vlorës, për rrugën Milot – Fier.
