VIDEO/ Tensionet, familjarët e 8 vjeçarit të ndjerë, tentojnë të hyjnë në paraburgimin e Vlorës

Familjarët e 8-vjeçarit Mateo Vasiu po protestojnë ditën e sotme në paraburgimin e Vlorës, aty ku ndodhet i izoluar vrasësi i fëmijës së tyre Klodian Çalamani.

Ndërkohë është shoqëruar me tensione protesta në paraburgimin e Vlorës mes familljarëve të Mateo Vasiut dhe efektiveve të policisë.

Nëna e 8-vjeçarit ka tentuar të kalojë hekurat rrethues të burgut, ku ndodhet i izoluar vrasësi i fëmijë së tyre.

8-vjeçari Mateo Vasiu u vra dhe u gropos nga Klodian Çalamani më 16 nëntor, në një fshat të Fierit. Autori ka qenë i dënuar më herët për pengmarrje.

LEXO EDHE  Intensifikohen bisedat, Kurti për herë të dytë në telefon me Escobarin brenda dy jave

Ndërsa babai i Mateos kërkon që ta nxjerrin jashtë Klodian Çalamanin se “do ta vras vetë”.

Që prej ditës kur Çalamani do të paraqitej në gjykatë për t’u njohur me masën e dënimit, familjarët e 8 vjeçarit kanë qenë të pranishëm së bashku me qytetarë të tjerë duke kërkuar që autori i ngjarjes makabër të varej në mes të qytetit të Fierit. Që prej të mërkurës, ka filluar mbledhja e firmave për peticionin që do të dorëzohet ku kërkohet dënimi me vdekje i 38 vjeçarit Klodian Çalamani.