Bylis nuk njeh rivalë në Kategorinë e Parë, ja rezultatet e 8 sfidave

Foto: FSHF.org

Janë mbyllur 8 takimet e Kategorisë së Parë të luajtura mesditën e sotme për javën e 9-të të kampionatit.

Erzeni ka triumfuar 0-1 në Berat përballë Tomorit në një sfidë mjaft delikate. Për shijakasit vendosi goli i Becit që i jep një spunto shumë të madhe skuadrës së tij me këtë 3 pikësh. Bylis vazhdon serinë e fitoreve, me ballshiotët që mposhtën minimalisht 1-0 Apoloninë falë golit të Qardakut.

Besa ka mposhtur minimalisht 1-0 Maliqin falë golit të Perjas, teksa kavajasit ngelën dhe me 10 lojtarë në këtë ndeshje. Besëlidhja vazhdon ecurinë pozitive teksa lezhjanët kanë mposhtur 2-0 në shtëpi Shkumbinin.

LEXO EDHE  Video/ Trukim flagrant në Kolumbi, skuadra e Magdalenës përmbys rezultatin për një minutë dhe ngjitet në elitën e futbollit

Në sfidat e tjera, Turbina ka mposhtur 2-0 Vorën, Pogradeci triumfoi 1-0 me Lushnjen, Tërbuni barazoi pa gola me Butrintin, ndërsa Korabi likuidoi 3-1 në shtëpi Burrelin.

Rezultatet:

Tomori-Erzeni 0-1

Butrinti-Tërbuni 0-0

Besa-Maliqi 1-0

Besëlidhja-Shkumbini 2-0

Bylis-Apolonia 1-0

Turbina-Vora 2-0

Pogradeci-Lushnja 1-0

Korabi-Burreli 2-1